Аўдыягід па Глушы

Сцежкамі Адамовіча

Аўдыягід па мясцінах Алеся Адамовіча ў Глушы — які вядзе праз вуліцы, помнік, арт-аб’ект і гісторыі людзей.

Даступна ў Telegram-боце · мабільны дадатак рыхтуецца

Што такое аўдыягід

Гэта аўдыяпадарожжа па Глушы — пасёлку, дзе прайшло яго дзіцінства і прайшоў свой шлях Алесь Адамовіч. Вы пачуеце рэальныя гісторыі, успаміны, радкі яго кніг агучаныя прафесійным акторвм.

Кожная кропка маршруту адкрывае новы пласт жыцця і спадчыны пісьменніка — праз месца, людзей і ідэі.

На дадзены момант даступны толькі на беларускай мове.

7 кропак маршрутуМясціны, звязаныя з Алесем Адамовічам.

Розныя гісторыіУспаміны, цытаты і правераныя факты.

Лёгка і зручнаСлухайце ў зручным тэмпе на месцы ці здалёк.

Стварэнне

Як ствараўся аўдыягід

Аўдыягід нарадзіўся з жадання зрабіць памяць пра Алеся Адамовіча ў Глушы жывой і даступнай.

Мы збіралі матэрыялы, удакладнялі факты, працавалі з тэкстамі маршруту і даволі хутка знайшлі голас, які змог перадаць не толькі інфармацыю, але і атмасферу месца. Даўжэйшым быў шлях ад ідэі да рэалізацыі: трэба было знайсці падтрымку, захаваць задуму і дачакацца моманту, калі праект можна будзе зрабіць якасна.

Нам было важна, каб гэта была не сухая экскурсія, а спакойная і ўважлівая сустрэча з Глушай — з яе памяццю, дарогамі, людзьмі і слядамі жыцця пісьменніка.

Так з'явіўся аўдыягід — маршрут, які дапамагае пачуць гісторыю Алеся Адамовіча там, дзе яна пачалася.